Bo negoshi riba Google Maps, regla bon.
Ora un hende na Aruba ta busca loke bo ta haci, Google hopi biaha ta mustra un mapa cu un par di negoshi prome cu e resultadonan normal. Nos ta sorg pa bo perfil ta completo y corecto, pa Google por mustr’e.
Google Business Profile
Un Google Business Profile (antes yama Google My Business) ta e informacion cu ta sali riba Google Maps y den Google, cu bo orario, number di telefon, potret y reseña. E ta gratis, pero e ta yuda solamente si e ta verifica, completo y corecto. Hopi perfil na Aruba no tin orario, ta mustra un number bieu, of ta di un cuenta cu ningun hende no por log in mas.
Nos ta regle hunto cu bo: e categoria corecto, bo servicionan, orario, e area unda bo ta traha, potret y un link pa bo website. Despues nos ta haci’e facil pa bo clientenan contento laga un reseña. Ningun hende no por garantisa un luga den e mapa di Google, pero un perfil completo y verifica cu reseña ta duna bo e miho chens.
Loke bo ta haya
- Un perfil nobo, of tuma over y limpia un perfil cu tin caba
- Yudansa cu e paso di verificacion di Google
- E categoria, servicio, orario y area corecto
- Potret, un descripcion cortico y un link pa bo website
- Un link y QR code pa reseña, pa bo toonbank, menu of recibo
- Mesun nomber, adres y telefon riba bo website y bo perfil
- E cuenta ta keda na bo nomber
Proyecto tipico
- 01Un restaurant cu no ta sali ora turista ta busca cerca
- 02Un tienda cu su perfil ainda ta mustra e orario bieu
- 03Un negoshi nobo cu mester un perfil y un website mesun tempo
- 04Un perfil cu un hende cu no ta traha einan mas a traha añanan pasa
Pregunta
Google Business Profile ta gratis?
Si, Google no ta cobra pa e perfil mes. Bo ta paga nos solamente pa e trabou di instal’e of drech’e, y bo ta haya un prijs fiho prome cu nos cuminsa.
Esaki ta mesun cos cu Google My Business?
Si. Google a cambia e nomber di Google My Business pa Google Business Profile. Ta e mesun informacion riba Google Maps y den Google.
Con e verificacion ta bay?
Google ta dicidi con un negoshi ta wordo verifica, por ehempel cu un video cortico di bo luga of un code cu nan ta manda bo. Nos ta prepara tur cos y ta guia bo den dje.
Boso por pone mi riba prome luga di Google Maps?
Ningun hende no por primintí esey; Google ta dicidi e orden. Loke nos ta haci ta pone bo perfil completo, corecto y verifica, conect’e cu un bon website y yuda bo colecta reseña. Esakinan ta e cosnan cu ta den bo man.
Mi mester un website tambe?
No pa tin un perfil, pero e ta yuda. Un website ta duna Google y bo clientenan mas informacion. Nos por traha tur dos hunto, pa nan ta cuadra cu otro.
Bo tin algo cu mester wordo traha, drecha of saca afo?
- WhatsApp · E manera mas liher pa yega na nos+297 569 0877
- Yama · Papia cu nos directo+297 567 1123
- E-mail · Pa conta mas detaye[email protected]
Kico ta pasa despues
- 01Nos ta contesta e mesun dia
- 02Nos ta plania un yamada di 15 pa 30 minuut of un reunion en persona pa repasa bo proyecto
- 03Pa un proyecto serio di website, bo ta mira un demo prome cu bo paga
- 04Bo ta ricibi un prijs fiho por escrito
Nos ta reuni en persona unda cu ta riba e isla: Oranjestad, Noord, Paradera, Santa Cruz, Savaneta of San Nicolas.